120 ਗ੍ਰਾਮ ਹੈਰੋਇਨ, 30 ਖਾਲੀ ਜਿੱਪ ਲਾਕ ਲਿਫਾਫੀਆਂ ਅਤੇ ਇੱਕ ਇਲੈਕਟਰੌਨਿਕ ਕੰਡਾ ਸਮੇਤ 2 ਦੋਸ਼ੀ ਕਾਬੂ

120 ਗ੍ਰਾਮ ਹੈਰੋਇਨ, 30 ਖਾਲੀ ਜਿੱਪ ਲਾਕ ਲਿਫਾਫੀਆਂ ਅਤੇ ਇੱਕ ਇਲੈਕਟਰੌਨਿਕ ਕੰਡਾ ਸਮੇਤ 2 ਦੋਸ਼ੀ ਕਾਬੂ

ਲੁਧਿਆਣਾ ( ਰਾਜੀਵ ਕੁਮਾਰ )ਪੁਲਿਸ ਵਲੋਂ ਨਸ਼ਾ
ਤਸਕਰੀ ਕਰਨ ਵਾਲਿਆਂ ਦੇ ਖਿਲਾਫ ਚਲਾਈ ਗਈ ਮੁਹਿੰਮ ਦੌਰਾਨ ਕਾਰਵਾਈ ਕਰਦਿਆਂ ਇੰਸਪੈਕਟਰ ਜਸਵੀਰ ਸਿੰਘ ਇੰਚਾਰਜ ਐਂਟੀ ਨਾਰਕੋਟਿਕ ਸੈੱਲ-1 ਦੀ ਟੀਮ ਵੱਲੋਂ ਥਾਣਾ ਜਮਾਲਪੁਰ ਦੇ ਏਰੀਆ ਵਿੱਚੋਂ 120 ਗਰਾਮ ਹੈਰੋਇਨ ਸਮੇਤ 2 ਦੋਸ਼ੀਆਂ ਨੂੰ ਕਾਬੂ ਕੀਤਾ ਹੈ। ਜਿਨ੍ਹਾਂ ਦੀ ਪਹਿਚਾਣ ਜਮਾਲਪੁਰ ਕ੍ਰਿਸ਼ਨ ਕਲੋਨੀ ਦੇ ਰਹਿਣ ਵਾਲ਼ੇ ਨਿਤਿਨ ਉਰਫ਼ ਮੋਹਿਤ ਅਤੇ ਦੂਜੇ ਦੀਸੰਜੇ ਉਰਫ਼ ਸੰਜੂ ਦੇ ਰੂਪ ਵਜੋਂ ਹੋਈ ਹੈ।ਜਾਣਕਾਰੀ ਦਿੰਦੇ ਹੋਏ ਏਡੀਸੀਪੀ ਰੁਪਿੰਦਰ ਕੌਰ ਸਰਾਂ ਨੇ ਦੱਸਿਆ ਕਿ ਮਿਤੀ 17-08-2023 ਨੂੰ ਦੌਰਾਨੇ ਗਸ਼ਤ ਸਰਕਾਰੀ ਪ੍ਰਾਇਮਰੀ ਸਕੂਲ, ਭਾਮੀਆ ਖੁਰਦ ਲੁਧਿਆਣਾ ਤੋਂ ਨਿਤਿਨ ਉਫ ਮੋਹਿਤ ਪੁੱਤਰ ਲੇਟ ਵਿਜੈ ਸਿੰਘ ਵਾਸੀ ਮਕਾਨ ਨੰ 101, ਗਲੀ ਨੰ । ਮੁਹੱਲਾ ਕ੍ਰਿਸ਼ਨਾ ਕਲੋਨੀ ਥਾਣਾ ਜਮਾਲਪੁਰ ਲੁਧਿਆਣਾ ਅਤੇ ਸੰਜੇ ਦੱਤ ਸ਼ਰਮਾ ਉਰਫ ਸੰਜੂ ਪੁੱਤਰ ਦੇਵਕੀ ਨੰਦਨ ਸ਼ਰਮਾ ਵਾਸੀ ਮਕਾਨ ਨੂੰ 34 ਗਲੀ ਨੰ 1, ਮੁਹੱਲਾ ਕ੍ਰਿਸ਼ਨਾ ਕਲੋਨੀ ਭਾਮੀਆ ਖੁਰਦ ਥਾਣਾ ਜਮਾਲਪੁਰ ਨੂੰ ਕਾਬੂ ਕਰਕੇ ਉਹਨਾਂ ਦੀ ਜਾਬਤੇ ਅਨੁਸਾਰ ਤਲਾਸ਼ੀ ਅਮਲ ਵਿਚ ਲਿਆ ਕੇ ਉਹਨਾਂ ਦੇ ਕਬਜਾ ਵਿਚੋਂ 120 ਗਰਾਮ ਹੈਰੋਇਨ, 30 ਖਾਲੀ ਜਿੱਪ ਲਾਕ ਲਿਫਾਫੀਆਂ ਅਤੇ ਇੱਕ ਇਲੈਕਟਰੋਨਿਕ ਕੰਡਾ ਬ੍ਰਾਮਦ ਕੀਤਾ ਸੀ। ਦੋਸ਼ੀਆਂ ਦੇ ਬਰਖਿਲਾਫ ਮੁਕੱਦਮਾ NDPS Act ਥਾਣਾ ਜਮਾਲਪੁਰ ਲੁਧਿਆਣਾ ਦਰਜ ਰਜਿਸਟਰ ਕਰਵਾਇਆ ਅਤੇ ਦੋਸ਼ੀਆਂ ਉਕਤਾਨ ਨੂੰ ਮੁਕੱਦਮਾ ਵਿੱਚ ਹਸਬ ਜਾਬਤਾ ਗ੍ਰਿਫਤਾਰ ਕੀਤਾ ਗਿਆ। ਦੋਸ਼ੀਆਂਨ ਨੂੰ ਅੱਜ ਪੇਸ਼ ਅਦਾਲਤ ਕਰਕੇ ਪੁਲਿਸ ਰਿਮਾਂਡ ਹਾਸਿਲ ਕਰਕੇ ਹੋਰ ਡੂੰਘਾਈ ਨਾਲ
ਪੁੱਛਗਿੱਛ ਕੀਤੀ ਜਾਵੇਗੀ।